💡大家知唔知電影菲林分去石墨同未去石墨呢？💡
💡兩者之間有咩分別？💡
🎬【咩係去石墨電影菲林？】
電影菲林就係用嚟拍電影嘅菲林，通常長400尺。
由於拍電影需要高速過片，菲林表面會多咗一層石墨，起到潤滑劑嘅作用。
顧名思義，去石墨電影菲林=預先去咗石墨層嘅電影菲林！😎
📽️【點解選擇去石墨電影菲林？】
沖電影菲林前需要先去石墨，多數為人手工序，極需耐性同細心。⏱️
因此比較費時，導致沖洗成本較高。💰
有見及此市場上開始出現可以用C-41沖嘅去石墨電影菲林，慳水慳力！👑
🎞️【去石墨電影菲林嘅缺點？】
1️⃣去石墨電影菲林比較容易偏色 (通常呈現偏青色)，變相失去電影感嘅特色。
2️⃣感光度無咁準確，需要配合測光器使用。
3️⃣寬容度比原先嘅電影菲林低，更難掌握。
如果買到去石墨唔乾淨嘅電影菲林，會解低影像質素，睇落濕咗咁。😫
更嚴重嘅有機會令幫你沖菲林嘅舖頭要洗沖機！因為未去乾淨嘅石墨會污染沖機，裡面嘅藥水全部都唔可以再用，而零件亦需要大清洗！⚠️
萬一店家未發現沖機受污染而繼續使用，會令其他客人嘅菲林都遭殃！！⚠️⚠️
⚖️【咁到底買電影菲林定去石墨電影菲林？】
如果想真實地體驗拍電影用嘅菲林嘅效果，就當然揀電影菲林啦！☘️
如果你係新手嘅，就建議使用去石墨電影菲林，因為寬容度較高。🟢
推薦大牌子嘅去石墨電影菲林例如 CineStill，去石墨十分乾淨+無變色情況出現。😚
菲林嘅有趣之處在於成像變幻莫測呀嘛！
Comentários